ovqat
Ovqat— iki mənada işlənir: 1) hal, kef, əhvali-ruhiyyə 2) zaman-vaxt
Azərbaycan dilində aşağıdakı frazeoloji birləşmələr işlənir:
- 'Ovqatına soğan doğramaq (zarafatla) – kefini, əhvalını pozmaq; eləcə də
- Ovqatını təlx etmək (kiminsə) — məyus etmək, əsəbiləşdirmək, özündən çıxarmaq;
- Ovqatı təlx olmaq — əhval-ruhiyyənin pis olması, dilxor olmaq, qəzəblənmək;
- Ovqatı təlx – kefi, əhvalı pozulmuş mənasını verir.
Ovqat sözünə Azərbaycan yazıçılarının əsərlərində rast gəlinir.
"Ovqatı qarışıqdır" ( Mir Cəlal, "Şəxsi məsələ" hekayəsi.[1] ), "Əşrəf bəy: İndi mən bilirəm, şəhərdə bu xeyir xəbər neçə adamın ovqatına soğan doğrayıb" (Nəcəf bəy Vəzirov, "Yağışdan cıxdıq, yağmura düşdük" komediyası. [2]), "Ovqatım olub təlx" (Mirzə Ələkbər Sabir, "Qocaliqdan şikayət" şeiri), "Axşam xan ovqatı təlx evə qayıtdı" (Çəmənzəminli), "Əmi ovqatı çox təlx evə gəldi" (Nəriman Nərimanov).