Kateqoriya:Rusiya

Rusiya Federasiyası (rusca: Российская Федерация) - Avropanın şərq, Asiyanın şimal hissəsində yerləşmiş dövlət. Ərazisinə görə dünyada ən böyük dövlətdir- 17 075 400 km2 və ya bütün quru səthinin 11,46% (1/9)-ni. Paytaxtı Moskva şəhəridir.

Rusiyanın əhalisi 141,903,979 nəfərdir. Hal-hazırda əhalisinin sayına görə dünyada səkkizinci yeri tutur. Əhalisinin böyük əksəriyyəti şəhərlərdə-73,1% yaşayır. Əhalinin 79,83%-ni ruslar təşkil edir. Dövlət dili rus dilidir. 10-20 milyon arası Türk dilli xalqlar yaşayır. Bunlar başlıca olaraq tatarlar, başqırdlar, çuvaşlar, saxalar, qumuqlar, qaraçay-balqarlar və digərləridir.

Rusiya qurudan 16 ölkə ilə sərhhədi mövcuddur: quruda-Norveç, Finlandiya, Estoniya, Latviya, Litva, Polşa, Belorusiya, Ukrayna, Gürcüstan, Azərbaycan, Qazaxıstan, Çin, Monqolustan, Şimali Koreya ilə, sudan- Yaponiya və ABŞ-la. Bütün bunlar Rusiyaya həm Avropa, həm də Asiya ölkəsi olmağa imkan verir. Siyasi və hüquqi cəhətdən Rusiya imperiyasının və SSRİ-nin varisi olduğu üçün beynəlxalq münasibətlərdə əsas rollardan birini oynayır. BMT, MDB, AİQ, MAƏT, KTMT, ŞƏT, ASİƏT və s. kimi təşkilatların üzvüdür.