Vikilüğət:Səsvermə
 |
Bu səhifə Vikilüğətin rəsmi prinsiplərindən biridir. Səhifənin məzmunu, bütün vikilüğətçilər tərəfindən eyni dərəcədə riayət edilməsi tələb olunan qaydalardan ibarətdir. Səhifədə redaktə etmədən öncə, bu dəyişikliklərin vikilüğətçilər tərəfidən dəstəkləndiyindən əmin olun. Düzgün hesab etmədiyiniz məqam varsa səhifənin müzakirə səhifəsində bunu aydın şəkildə ifadə edin. |
Qayda səsvermə nəticəsində qəbul edilib.
- Səsvermə müddəti: 16 oktyabr — 23 oktyabr 2025
- Qüvvədədir: 23 oktyabr 2025-ci ildən
- Arxivdəki səsvermələrə buradan baxa bilərsiniz.
Bu səhifədə Azərbaycanca Vikilüğətdə (bundan sonra Vikilüğət) keçirilən səsvermələr, onların başlanılması, müddəti və səslərin hesablanması haqqında ətraflı məlumat ala bilərsiniz.
Ümumi məlumat
Səsvermələr Vikilüğətin bir hissəsidir. Səsvermə başladılmazdan əvvəl onun müzakirəyə çıxarılması tövsiyə olunur. Aşağıdakı hallarda mütləq səsvermə keçirilməlidir:
- Vikilüğət prinsiplərinin qəbul olunması və ya prinsiplərdə dəyişiklik edilməsi üçün;
- İstifadəçilərin yeni status (məsələn, inzibatçı, bürokrat) əldə edə bilməsi üçün.
Səsvermə başlatmaq
Səsvermə hüququ olan istənilən istifadəçi səsvermə başlada bilər. Vikilüğət prinsipləri ilə bağlı səsvermə başlatmaq üçün Vikilüğət:Səsvermə/XXXXX səhifəsi yaratmaq lazımdır. Səsvermə keçirilən zaman səsvermənin nə səbəbə keçirildiyi səsvermə səhifəsində qeyd olunmalıdır.
Səsvermə müddəti
Vikilüğətdə keçirilən səsvermələrin müddəti səsvermə keçirilən səhifədə mütləq qeyd olunmalıdır. Bütün səsvermələr üçün müddət minimum 7 gün müddət təyin olunmaldır. Müddətin başlama və bitmə tarixləri Ümumdünya saatı ilə aparılır.
İstifadəçilərin səsvermə hüquqları
Vikilüğətdə səsvermələrdə ancaq qeydiyyatdan keçmiş istifadəçilər iştirak edə bilər. İstifadəçinin səsvermə hüququnun olması üçün 1 ay əvvəl qeydiyyatdan keçmiş olmalı və Vikilüğətdə ən azı 70 redaktəsi olmalıdır. Səsvermə hüququ olan istifadəçilər Vikilüğətdə keçirilən bütün səsvermələrdə iştirak edə bilər.
Səsvermənin nəticələrinin hesablanması
- Ümumilikdə səsvermənin sonunda 50%+1 miqdarında lehinə səs olduğu halda, səsvermə qəbul olunmuş sayılır.
- İnzibati səsvermələrdə isə namizədə qarşı səsverənlərin sayı ümumi səsverənlərin 1/3-ni keçdikdə istifadəçi seçilməmiş sayılır.