qarışdırmaq

Azərbaycan dili

Feil

azərbaycanca: qarışdırmaq
Heca: qa-rış-dır-maq
Əski əlifba: قاریش‌دیرماق

Mənalar :^[1]https://web.archive.org/web/20131023130940/http://azerdict.com/izahli-luget/qar%C4%B1%C5%9Fd%C4%B1rmaq

↑
1. Bir şeyi başqa şeyə qatıb, bir-birindən ayrılmayacaq, yaxud çətin ayrılacaq hala salmaq. Una qənd qarışdırmaq. Çaxırı su ilə qarışdırmaq. Qumu əhənglə qarışdırmaq. // İki və ya çox şeyi bir-birinə qatıb birləşdirmək. ..Karvan oğlanları ocaq qalayır, yol torbalarındakı duz qarışdırılmış arpa unundan xəmir yoğurub dəyirmi kündələri ocaqların qızmar külünə basdırır, ala çiy bişmiş bu kündələri ağızlarını pörşələyərək isti-isti yeyir, .. orda-burda taya vurduqları yüklərin yanında yerə sərilib yatırdılar. Ə.Məmmədxanlı.
2. Bir şeyi çömçə, qaşıq və s. ilə dairəvi şəkildə çevirmək, bulamaq, qurdalamaq. Dovğanı qarışdırmaq. Südü qarışdır, daşmasın. Stəkanı qarışdırmaq (stəkandakı çayı qarışdıraraq içindəki şəkəri əritmək).
3. məc. Fitnə-fəsad salmaq, təfriqə salmaq, qarışıqlıq salmaq. [Hacı Səməd ağa:] ..O kitab yazanın heç biri nə bəydir, nə rəiyyət. Avara-avara adamlardır. Ancaq aralıq qarışdırırlar. Ə.Haqverdiyev. // məc. Pozmaq, xarab etmək. Əgər xəbər alsan molla Səfini; Oğru dürüst qarışdırıb kefini. Q.Zakir.
4. Qayda və səliqəni pozmaq, nizamsız bir hala salmaq, qarmaqarışıq etmək. Stolun üstündəki kağızları kim qarışdırıb? Uşaqlar bütün şeyləri qarışdırıblar.
5. Dolaşıq salmaq, qarışıq salmaq, səhvən bir-birinə oxşatmaq. İki qardaş bir-birinə o qədər oxşayır ki, adam qarışdırır. İki məfhumu bir-birinə qarışdırmaq.
6. Bir işin iştirakçısı etməyə çalışmaq. Xahiş edirəm, bu cəncəl işə məni qarışdırmayasınız.

Şəxs əvəzliyi	Fellərin şəxsə və zamana görə dəyişməsi					Felin formaları					Hallar	Fellərin hallanması
	Keçmiş zaman		İndiki zaman	Gələcək zaman		əmr	arzu (gərək...)	vacib	lazım	şərt
	şühudi	nəqli	İndiki zaman	qəti	qeyri-qəti	əmr	arzu (gərək...)	vacib	lazım	şərt
Mən	qarışdırmışdım	qarışdırdım	qarışdırıram	qarışdıracağam	qarışdıraram	qarışdırım	qarışdıram	qarışdırmalıyam	qarışdırasıyam	qarışdırsam	Adlıq	qarışdırmaq
Sən	qarışdırmışdın	qarışdırdın	qarışdırırsan	qarışdıracaqsan	qarışdırarsan	qarışdır	qarışdırasan	qarışdırmalısan	qarışdırasısan	qarışdırsan	Yiyəlik	qarışdırmağın
O	qarışdırmışdı	qarışdırdı	qarışdırır	qarışdıracaq	qarışdırar	qarışdırsın	qarışdıra	qarışdırmalıdır	qarışdırasıdır	qarışdırsa	Yönlük	qarışdırmağa
Biz	qarışdırmışdıq	qarışdırdıq	qarışdırırıq	qarışdıracağıq	qarışdırarıq	qarışdıraq	qarışdıraq	qarışdırmalıyıq	qarışdırasıyıq	qarışdırsaq	Təsirlik	qarışdırmağı
Siz	qarışdırmışdınız	qarışdırdınız	qarışdırırsınız	qarışdıracaqsınız	qarışdırarsınız	qarışdırasınız	qarışdırasınız	qarışdırmalısınız	qarışdırasısınız	qarışdırsanız	Yerlik	qarışdırmaqda
Onlar	qarışdırmışdılar	qarışdırdılar	qarışdırırlar	qarışdıracaqlar	qarışdırarlar	qarışdırsınlar	qarışdıralar	qarışdırmalıdırlar	qarışdırasıdır	qarışdırsalar	Çıxışlıq	qarışdırmaqdan