zalım

Azərbaycan dili

İsim

İsim	Tək	Cəm
Adlıq halı	zalım	zalımlar
Yiyəlik halı	zalımın	zalımların
Yönlük halı	zalıma	zalımlara
Təsirlik halı	zalımı	zalımları
Yerlik halı	zalımda	zalımlarda
Çıxışlıq halı	zalımdan	zalımlardan

azərbaycanca: zalım

Ərəb əlifbası: ظَالِم

Etimologiya

ərəbcə

Hecalama: za-lım

Transkripsiya (BFƏ) : [zɑˈlɯm]

Mənalar :

1. Zülm edən, zülmkar, qəddar, mərhəmətsiz, insafsız.

• Zalım padşah.
• Zalım istismarçılar.
• – Mən görmüşəm, kafirim də görməsin; Nə yaman dərd imiş zalım ayrılıq. Molla Cümə.
• ..Bir dəstə zalım bir yerə cəm olub və özlərinə bir başçı qərar verib minmişdilər camaatın boynuna. C.Məmmədquluzadə.
• Eh zalım xan! Zalım xan! Sən qorxub öz canından; Yurdu versən hər yada; Kor olasan dünyada. S.Vurğun.

2. (Zarafat) Bəzən bacarıqlı, zirək, məharətli adam haqqında.

• Avropa üləmasının övrət məsələsinə dair yazılarını oxuyanda görürsən ki, bu zalımlar dünyanın hər bir guşəsindən xəbər verirlər. C.Məmmədquluzadə.

3. Eyni mənada bəzən oğlu, balası, uşağı və s. sözlərlə işlənir.

• Zalım oğlu yaman güləşirdi.
• Zalım qızında bir səs var ki...
• – Ağzını açan kimi, Hacı zalım oğlu onun kimi, bəlkə ondan da yaxşı danışmağa başlayır. C.Cabbarlı.
• [Mərcan bəy:] Ay zalım balası, zalım! Məni sən aldatdın! Ü.Hacıbəyov.
• Sarı simə keç, ay zalım balası, sarı simə. M.İbrahimov.
• [Qaradonlu:] Dedi-qodu gəzdirməsə, dinclik tapmır da, zalımın qızı. İ.Hüseynov

Törəmiş sözlər : zalım sual, zalımanə, zalımcasına, zalımlıq

Sinonimi :

1. zülmkar

Antonimi :

1. adil

Mənbə : Azərbaycan dilinin izahlı lüğəti. Dörd cilddə. IV cild (SŞTUÜVYZ). Bakı: Şərq-Qərb, 2006, 712 s. Mətn

Mənsubiyyətə görə
Şəxs	Adlıq		Yiyəlik		Yönlük		Təsirlik		Yerlik		Çıxışlıq
Mənim	zalımım	zalımlarım	zalımımın	zalımlarımın	zalımıma	zalımlarıma	zalımımı	zalımlarımı	zalımımda	zalımlarımda	zalımımdan	zalımlarımdan
Sənin	zalımın	zalımların	zalımının	zalımlarının	zalımına	zalımlarına	zalımını	zalımlarını	zalımında	zalımlarında	zalımından	zalımlarından
Onun	zalımı	zalımları	zalımının	zalımlarının	zalımına	zalımlarına	zalımını	zalımlarını	zalımında	zalımlarında	zalımından	zalımlarından
Bizim	zalımımız	zalımlarımız	zalımımızın	zalımlarımızın	zalımımıza	zalımlarımıza	zalımımızı	zalımlarımızı	zalımımızda	zalımlarımızda	zalımımızdan	zalımlarımızdan
Sizin	zalımınız	zalımlarınız	zalımınızın	zalımlarınızın	zalımınıza	zalımlarınıza	zalımınızı	zalımlarınızı	zalımınızda	zalımlarınızda	zalımınızdan	zalımlarınızdan
Onların	zalımı	zalımları	zalımının	zalımlarının	zalımına	zalımlarına	zalımını	zalımlarını	zalımında	zalımlarında	zalımından	zalımlarından

zalım (zülm edən)
farsca: ظالم (fa) türkcə: zalim (tr)

zalım (bacarıqlı)